ඔබ ඇපල් මලක් වාගේ - ඇපල් මලක පින්තුරයක් ...

ඔබ ඇපල් මලක් වාගේ කියන ලස්සන සිංහල සින්දුව මම අහන්න පටන් ගත්තේ මම කැනඩාවට ආවාට පස්සෙයි ....(පොඩි කාලේ කනට වැටෙන්න ඇති නමුත් ගේ තමයි ලංකාවේ kenමතකයක් නැහැනේ ..). ඉතින් පළමු පාරට මේ සින්දුවේ වචන ගැන තේරෙනකොට මම ඇපල් මලක් දැකලා තිබුනා.
එත් ඉතින් අද මේ ලියන්නේ කෙලින්ම ඒ සින්දුව ගැන නෙමෙයි ....
දැන් කැනඩාවේ වසන්ත කාලය(Spring) උදා වෙලයි තියෙන්නේ ...අපේ ගෙදරත් දැන් හරි හරියට මල් වවන්න සහ එළවලු වවන්න පටන් අරගෙන . ඉතින් අද ඉරිදා අපි ගියා පල විකුණන තැනකට. මෙහෙ ඉතින් මේ කාලයට හැම ලොකු කඩයකම මල් පැල සහ පොහොර විකුනන්න දානවා ..ඉතින් මට පුළුවන් උනා ඔයාල වෙනුවෙන් ලස්සන පින්තුර ටිකක් ගන්න, ඉතින් මම ඇපල් මලක් වගී සින්දුවත් එක්ක මේ පින්තුර ටික පලකරන්නම්. නොවරදවාම  මම තව මෙහෙ වසන්ත කාලයේ සුන්දරත්වය රැගත් පින්තුර ගොන්නක් එකතු කරනවා.
මතක තියාගන්නේ වසන්ත කාලයෙන් පස්සේ එන්නේ ගිම්හානය(Summer) . ඉතින් මේ කාලය අපි ගොඩාක් ඇවිදින්න යන කාලය. නොවරදවාම මම ලස්සන පින්තුර ටිකක් ඔයාල වෙනුවෙන් ගන්නවා ..
තව එක දෙයක් ලියන්න අමතක උනා. මේ පින්තුරයේ තියෙන ඇපල් පලයේ එක එක අතු බද්ද කරලයි තියෙන්නේ . ඉතින් ඒ අතුවලින් ලැබෙන ගෙඩිත් වෙනස් වෙනවා. ඔයාලට දැනගන්න ඕන නම් මේකේ මිල වුනේ 35 Canadian Dollar. ඒ කියන්නේ ලංකාවේ මුදලින් රුපියල් තුන් දහස් පන්සියයකට කිට්ටුව. හැබැයි මෙහෙ අයගේ පඩියත් එක්ක බලාලා සංසන්දනය කලොත් ඒක රුපියල් තුන්සිය පනහක් වගේ තමයි මෙහෙ කෙනෙකුට දැනෙන්නේ ...
ඉතින් මේ ගැන ඔයාලට මුකුත් කියන්න තියෙනවානම් comment එකක් දාන්න . සියලු සිංහල වැරදි සහ ව්‍යාකරණ වැරදි පෙන්වා දෙන්න. ඒවගේම මගේ TV වෙබ් පිටුව බලන්නත් අමතක කරන්න එපා.

ඉතින් මම කලින් කිව්වා වාගේ මේ තමයි මේ ඇපල් පැලයේ එක් එක් අතුවල තියෙන ඇපල් ප්‍රබේදය නම් කරලා තිබුන හැටි ...

ඉතින් කියන්න ඇපල් මල ඔය තරම්ම ලස්සනද කියලා. හැබැයි මම හිතන්නේ ගීතය ලියු කැලුම් ශ්‍රීමාල් මහතාට තියෙන්න ඇත්තේ  වෙනමම අදහසක් ....

හැබැයි මටනම් ඇපල් මල ලස්සනයි ..එහි කියන්න තරම් සුවදක් නැතිවුනත් සුදුපාටටයි එහි  තියෙන හුරුබුහුටි කමටයි මම ආසයි ...මතක තියාගන්න මමත් ඇපල් මල වාගෙයි .....

දැන් ඉතින් සින්දුව පොඩ්ඩක් ඇහුවොත් හොඳයි කියලා හිතෙන්නේ නැද්ද ...මෙන්න මම ඒක මෙතනටම ගෙනත් දැම්මා...